Мод үржүүлгийн ажлыг мэргэжлийн өндөр түвшинд, технологийн бүх шат дамжлагыг шаардлагатай хэмжээнд нь гүйцэтгэж явуулж байгаа. Энэ нь жилийн тарьсан модны ургалт 90%-с дээш байгаагаар нотлогдож байна.

Өнөөдрийн түвшинд компанид нийтдээ 2.5 сая гаруй мод тарьж ургуулсан байгаа бөгөөд модны нэр төрөл, тоо хэмжээг доорх хүснэгтэд үзүүлсэн байгаа. Мөн компанийн эзэмшилд бүртгэгдсэн үндсэн хөрөнгө, техник тоног төхөөрөмж, тоноглол багаж хэрэгсэл зэргийн танилцуулгыг зургаар харуулав.

Дундговь дахь үйл ажиллагааны дэлгэрэнгүй:

"Тэрбум мод" үндэсний хөдөлгөөний хүрээнд говийн бүсэд мод тарьж арчлан ургуулан, ойжуулах зорилго бүхий гэрээт ажлыг "Цахилгаан Дамжуулах Үндэсний Сүлжээ төрийн өмчит хувьцаат компани"-ийн захиалгаар амжилттай хийж гүйцэтгэлээ.

Энэхүү мод тарьж ургуулах ажлыг Дундговь аймгийн Сайнцагаан сумын нутаг дэвсгэрт олгогдсон 2.5 га газарт гэрээнд туссан техникийн даалгаврын дагуу 2024 оны 09 дүгээр сарын 11-нээс 10 дугаар сарын 18-ны өдрийн хооронд хийж гүйцэтгэн 12 дугаар сарын 30-ны өдөр хүлээлцсэн.

Гэрээ болон техникийн даалгаврын хүрээнд дараах ажлуудыг хийж гүйцэтгэсэн. Эдгээрт:

• Дундговь аймгийн Сайнцагаан сумын нутаг дэвсгэрт олгогдсон 2.5 га газрын З хэсгээс хөрсний дээж авч Дархан-Уул аймгийн Ургамал газар тариалангийн хүрээлэнгээр шинжлүүлэв.
• Ойжуулах технологийн картын дагуу тарьц суулгацыг бэлтгэх ажлыг хийв.
• Ойжуулах талбайг цэвэрлэх, шан талбар гаргах чиг тэмдэг тавив.
• Мод тарих сетка татаж, нийт 3150 ш модны нүх ухаж бэлтгэсэн ба эдгээр нүхэнд З төрлийн 3100 ширхэг мод тарьж намрын цэнэг усалгаа хийв.
• Нийт 23 мЗ багтаамж бүхий усны нөөцийн сав хийж байрлуулсан ба 111 метр гүнтэй ундарга сайтай худаг гаргасан. Худаг нь алслагдсан байрлалтай гарсан тул нэмэлтээр 12мЗ багтаамжтай усны сав хийж, 380В-ийн насосын хамт хүлээлгэж өгөв.
• Технологийн картын дагуу тарилт хийх, услах, бордох, хар шороо хийх технологийн ажиллагааг тус тус хийж гүйцэтгэлээ.